Sunday, December 13, 2009

"ಮುಗ್ದತೆ"

ಹಕ್ಕಿಯು ಹಾರಿತ್ತು ಆಹಾರಕ್ಕೆಂದು
ಗೂಡಲ್ಲಿ ಇಟ್ಟಿತ್ತು ಮೊಟ್ಟೆಯನು ಒಂದು
ಹಾವೊಂದು ಬಂದಿತು ಸರಿದಾಡಿಕೊಂಡು
ಮೊಟ್ಟೆಯು ಸೂಸಿದ್ದ ವಾಸನೆಯ ಹಿಡಿದು

ಖುಷಿಯಾಯ್ತು ಹಾವಿಗೆ ಯಾರಿಲ್ಲ ಎಂದು
ಎಡೆಯತ್ತಿ ನಿಂತಿತು ತಿನ್ನೊಣವೆಂದು

ಮೊಟ್ಟೆಯಲಿ ಮಲಗಿದ್ದ ಹಕ್ಕಿಮರಿ ಎದ್ದು
ಮೊಟ್ಟೆಯನು ಹೊಡೆದು ಹೊರಬಂದು
ಎಡೆಯೆತ್ತಿ ನಿಂತಿದ್ದ ಹಾವನ್ನು ಕಂಡು
ತಬ್ಬಿ ಪ್ರೀತಿಯಲಿ ಮುತ್ತಿಟ್ಟು 'ಅಮ್ಮಾ'ಅಂತು

ಹಾವಿಗೆ ಭಯವಾಯ್ತು ಪ್ರೀತಿಯ ಅರಿವಾಯ್ತು
ಮರಳಲ್ಲಿ ತಾನಿಟ್ಟ ಮೊಟ್ಟೆಯ ನೆನಪಾಯ್ತು
ಆ ಹಕ್ಕಿ ಮರಿಗೆ ಪ್ರತಿಯಾಗಿ ಮುತ್ತಿಟ್ಟು
'ನಿನ್ನಮ್ಮ ಬರುತಾಳೆ ಇರುಮಗು' ಎಂದು
ಮುಜುಗರದಿ ಹೊರಟೊಯ್ತು..

ಆ ಹಕ್ಕಿ ಮರಿಯು ಅಮ್ಮ.. ಅಮ್ಮಾ...
ಕೂಗಿತಲೇ ಇತ್ತು.

2 comments:

  1. A very good explaination for the "INNOCENCE" :-))

    ReplyDelete
  2. what a great imagination - feelmyfeel

    ReplyDelete